Psa 112 | LugEEEE | STEP | Mutendereze Mukama ! Alina omukisa omuntu atya Katonda, era asanyukira ennyo mu mateeka ge.

Psalms 112

1 ^aMutendereze Mukama! ^{▼▼Mu Lwebbulaniya Aleruuya}

Alina omukisa omuntu atya Katonda,
era asanyukira ennyo mu mateeka ge.

2 Abaana be baliba ba kitiibwa mu nsi;
omulembe gw’abalongoofu guliweebwa omukisa.
3 Ennyumba ye enejjulanga ebintu n’obugagga obungi;
era anaabanga mutuukirivu ennaku zonna.
4 ^cNe mu kizikiza, ekitangaala kyakira omulongoofu,
alina ekisa, n’oyo alina okusaasira, era omutuukirivu.
5 ^dOmuntu oyo agabira abeetaaga, era tawolera magoba,
era akola emirimu gye gyonna n’obwenkanya, alifuna ebirungi.
6 ^eOmutuukirivu talinyeenyezebwa,
era anajjukirwanga ennaku zonna.
7 ^fAmawulire amabi tegaamutiisenga,
kubanga omutima gwe munywevu gwesiga Mukama.
8 ^gOmutima gwe guteredde, tewali ky’anaatyanga,
era oluvannyuma alitunuulira abalabe be n’amaaso ag’obuwanguzi.
9 ^hAgabidde abaavu bye beetaaga;
mutuukirivu ebbanga lyonna;
era bonna banaamussangamu ekitiibwa.

10 ⁱOmubi anaabirabanga ebyo, n’asunguwala,
n’aluma abugigi, naye nga talina kya kukola.
Okwegomba kw’ababi tekuubengako kye kubagasa.